كتبت الشاعرة الرقيقة/ هبه حسن..رائعتها..*مين فينا *

مين فينا
قلبه ماانجرحش
و بات حزين
....
مين فينا يوم
حلمه اللى عاشه
ما كان انين
...
ولا اللى سدد للجراح
ميت الف دين
ولا اللى قلبه م لاشتياق
 مليان حنين
...
وبختنا نرضي بعذابنا
وقهرنا
كان حلمنا نحصد
بايدنا فرحنا
...
ونلاقي قلب يضمنا
ساعة هوانا يعزنا
لكن خلاص ضاع الامل
مبقتش حاجه تهزنا
يا صبرنا
.....
 علي جرح عايش من زمان
من دمنا
 يتوضئ دمعه للمكان
ويراضي قسمة ف الحنان
ويردنا
......
وسط الطريق غنوة الم
مكتوب وعايش من عدم
والدمعة منصوبه بعشم
تحكم ديارنا ويأسنا
....
وبتنعى ليه.
عمرك حياتك
مكبوته روحك جوه ذاتك
 الصبر قاضي بس عارف
ان القمر فارق ساعاتك