كتب الشاعر/ وحيد أحمد إبراهيم..*لحظة فراق *

لحظه فراق
-------
اصعب لحظه فراق
ممكن تهدك وتوجعك
لما تلاقى جزء منك
بيفارقك ويودعك
وصوت قلبك دقاته تعلا
ومافيش حد يسمعك
ولأمر الفراق تستسلم
وعن حبيبك يمنعك
هو يمشي فى طريقه
وخطوتك رافضه ترجعك
تحس بضعف قوتك
وسعادتك كأنها بتطردك
تحس بقسوه الزمن
اللى طفى نور شمعتك
وقلبك دقاته تنادى
وتسمع صوت دقتك
دقه حزينه فى نبضها
ترسم الحزن فى نظرتك
وتغير ملامحك فى رسمها
وتلاقى الفراق يهزمك
وتقوله مع السلامه حبيبي
هدعيلك فى غربتك
وأعيش على امل لقاك تانى
وأستقبلك ببسمتك
وتنزل من عينى الدموع
لكن من فرحة رجعتك
واضمك تانى فى حضنى
بقوة شوقك ولهفتك
فى نفس المكان هنا هستناك
ومهما تتأخر هستنظرك
------
وحيد احمد