كتب الشاعر د.خالد حلمي (ايوه اقصد كل كلمه)

ايوه اقصد كل كلمه
ايوه ليك وانت عارف
ايوه عارف كل كلمه
هي ليك

عايز اقولك
اللي عايز كل حاجه
مش هياخد غير نصيبه
و اللي فاكر نفسه كامل
يبقى مش دريان بعيبه

كل شئ ف الدنيا ناقص
و اللي حاضرين رح يغيبوا
اللي مش خايف و خايف
حلمه ما يشبهش جيبه
و اللي فاكر كل الناس قعدين ف عيبة

مين بقى فكل الناس حبيبه
واللي فاكر وش الدنيا ناعم
لا ده وش الدنيا ناشف
و اللي عاش ف الدنيا واقف
رجله لازم يوم تسيبه

واللي فاكر انه حاجه
وانه فاهم وانه عارف
كل حاجه

بكره يعرف انه خايب
بكره كل الناس تسيبه
وانه رايح مهما عافر
واللي فاكر انه عندك خلي هولك
بس افهم
ان الدنيا ماتضيمنش
مهما طالت ما تستهلش