كتب الشاعر/علي حافظ المصري..&دم الغلابة &

دم الغلابة
.........
دم الغلابة الشقيانين
فوق الأرض اندثر
 سكة حديد الطماعين
هرست عظامنا ولحمنا
كرهونا حتى بالسفر
أصبحنا أرخص من الرخيص
كل يوم نموت فطيس
الدم بعروقنا انفجر
حد يفهمنا ياناس
بقينا أرخص من المداس
رامين عيوبهم على القدر
عقلى خلاص منى طار
اللى مش شايف الغلابة
اللى على الأرض متبعترين
المجروحين
والمكسورين
يبقى مش عنده نظر
يا دى المرار
اصرخ بصوتى اخلصنا خلاص
يا نموت فى حادثة
يا نموت بالرصاص
والتقرير مفيش عيوب
الحادثة قضاء وقدر
العامل برىء ؛؛
الحديد بريء ؛؛
والمقتول هو الغلط
ليه ما هربش
لما الموت حضر ؛؛؛؛؛
........                                              على حافظ المصرى