كتب الشاعر/ وحيد طه #إبعدي#

إبعدي .
•••••••
إبعدي ..
إبعدي عن قلبي ..
مدي إيدك واخنقيه ..
سدديلوه سهم تاني ..
من سهامِك وإقتليه ..
وإهربي ..
إهربي ويا الخداع ..
روحي حتي بدون وداع ..
دة اللي خاني ف يوم وباع..
عمري أبداً ما اْشتريه ..
        ••••••••••
وابدأي ..
إبدأي مرة تانية من جديد .
ودوري عن حب تاني وعشميه ..
واغدري ..
إغدري زي عادتك واصدميه ..
سمعيه أجمل أغاني ..
وعيشيه بأحلي الأماني .
زي ما ف يوم عانيت ..
مسيرُه كمان راح يعاني ..
هو دة طبعِك ولا هتشتريه ..
•••••••••••••
ياللي في  يوم من الأيام ..
كنتِ ليا العمر كله..
كنتِ حب وحنان وشوق ..
كنتِ فرحة وسهرة حلوة ..
وليل ياخدنا للشروق ..
كنتِ بسمة وكنتِ نسمة ..
وطَلّةْ ملاك جاي يطيربي ..
للسما لبعيد لفوق ..
ولما قلبي يطير معاه ..
تيجي إِنتِ وتهجريه ..
•••••••••
بس اسمعي .. راح تندمي ..
وهترجعي ..
هترجعيلي بحب أكبر ..
وراح تجيني عند بابي ..
وتتمنيني افكر ..
مهو أصل اللي زيي ..
مستحيل حد يغيره بحب تاني ..
وفين يلاقي لو يدور ..
واحلمي ..
إحلمي إني أكون ليكِ تاني ..
مستحيل كان غيرِكْ اشطر ..
واتذكري ..
إتذكري إنتِ اللي بعتِ موش أنا ..
إنتِ اللي رحتِ وأدمنتِ الغيابْ ..
واهو جه وقت الحساب ..
دوقِي العذابْ ..
•••••••••••
#وحيد_طه