وبتوحشني
-----------
وبتوحشني .. وباحضن صورتك ..وأكلمها
ساعة بتضحك .. ساعة تكشر.. لما ألومها
وبتوحشني .. وانت قريِّب .... وانت بعيد
واما النسمة بتيجي من يمَّك ... واتنسمها
وبتوحشني
لما بتشرق..... شمس جبينك
واما باشوف اللهفة ف عينك
واما بنقعد ناكل اللقمة ونشرب شاي
وبنتكلم عن أحلامنا .... شفت ازاي
كانت اللقمة بتبقي هنية لو نقسمها
وبتوحشني
دنا من غيرك اتوه ف الكون
زي يمامة..... ومالها عيون
ضامة جراحها وفاردة جناحها
بتعافر....... مع ريح مجنون
مانت دليلي... ف عتمة ليلي
وماليش غيرك حضن حنون
بابقي ف قربك مالكة الدنبا
بكل نعيمها
سامية سليمان
أم الشعراء
ليست هناك تعليقات:
إرسال تعليق