كتب الشاعر/ صبري رسلان #كان زمان #

كان  زمان  ...
...............
وبتنهي  خلاص 
كده  حب  كان
وتقوللي وقتك
كان  زمان    ..
زمان  ضيعت 
شبابي  فيه 
والسن  ما بينا
بان  عليه  ..
الشجره  وجفت
فاتها  ضل 
والنسمه إن عدت 
ريح  تهل
لا هتقدر  ترسم
طوق  أمان
والحب  وجف
ما لوش  مكان
بقى بعد  الشوق
وسنين  غرام
بان فرق السن
وكان  لجام  ..
دلوقتي بتحسب
عمري  أييه
ونسيت  في العد
أديت  لك  آييه  ..
زرعت  لك 
بستان  ورود 
وفى حضني  إتربا
أخضر  عود  ..
كان  عشق 
ودايب  في الوريد
 آتاريه  كان بينا
ستار  حديد
 كان  كله  خداع
وغرام  كفيف 
بيدارا  في  نبضي
وعشقه  زيف
 راح  أعود  نفسي
عالبعاد   ..
 وأربط  على
قلبي  شريط  حداد  ..
بقلم  ..  صبري رسلان