الشاعر..أسامه جديانه يكتب..سألوني ليه غاب القمر..

سألونى ليه غاب القمر
قولت القمر فى دارى
معاها يحلى السهر
نظراتها تحلالى
ماهى عشرة عمرى
اللى قلبى أختارها
صباحها عبير الزهور
تسعدنى بسمتها
نور ضيها الباهى
والرقه ف كلامها
عذوبة الحرف
وأناقة حديثها
بشاشة الطله
والبسمه ف عيونها
القهوه من إيديها
يامحلا صباحها
كل رشفه م الفنجان
تسقينى حنانها
أم العيال الغاليه
السكر ف لسانها
صباحا ذكر الله
ومساها إيمانها
راضيه وحامده وشاكره
بعطايا ربها
قمر وضاء ف الدار
سحرانى بجمالها
ربى يبارك فيها
ويبارك فى عيالها
                        ( أسامه جديانه)