الشاعر/محمود صلاح يكتب (سوق الرجولة غالي)

سوق الرجولة غالى
مش بيعة محتاجة زبون
والمجدعة لو كانت رغاوى
يبقى الاصل فيها صابون
----------------
نجوم السما اقربك
من حب
مسنود بشرطة
لو حتى القمر يقربلك
فأنا قلبى
 عميد شرطة
---------------
صاحب الزين لو حتى
فى يوم عابك
لو شافك فى يوم حزين
ما يكره ضيقتك ولعابك
---------------
ماتقولشى زمانى
 خلاص عده
ومش عارفه امتى حان
لو حلمك فى يوم صده
مش هتنجح ف الامتحان
----------------
الحب زى طير
او فتله عماله تكر
والكره والله خطير
يخليك ما تحمد ربنا وتشكر
-----------------
شيطانك عفى
يالى بتكابر فى خطابك
اللى فيك هتجيبه فى
لو مرة ماقدتش حطابك
----------------
لو ضاق بيك الحال
الله يكون ف العون
قبلك خدو السلطة والمال
راحوا زى ما راح فرعون
----------------
الشعر مش هندسه
او لحن مزيكا
ولا عمره ما كان مدرسه
بقلم واستيكا
الشعر مشاعر كويسه
ترفع مقامك وتعليكا
---------------
صح كلامك
يالى بتدي لناس منازلهم
ان زرت مرة عمامك
تحترم ناسهم ومنازلهم
وتعلى بينهم مقامك
ولا تخاصم اهلك وتنازلهم
-----------------