الشاعر/سعيد عباس الضو يكتب (طبعا ده زمان )

مش عارف ازاى كنت باحبك
قبل ما أشوفك
وأنا إيه خلانى أعشق قلبك
رغم ظروفك
لو كان الأمر بإيدى زمان
طب إيه خلانى أروح عندك
وأطلب إحسان
دا كنت زمان بامشى ف دربك
وباكون خجلان
يمكن مره يشوفنى واحد
تعبان حرمان
يفتكر الذكرى اللى قلبه
ويبات زعلان
ولو كان واحد م اللى انا عارفه
يعمل إعلان
وكلام العزال ده هيضايقك
وبسببى كمان
وانا طبعا ما كنشى هيرضينى
كتر الهجران
ولاكنتش هقبل طبعا إنى
أشوفك بكسوفك
طبعا دا زمان
سعيد عباس الضو