الشاعر م/عبد الحميد سالم يكتب (صورة)

( صورة ) م/عبالحميد سالم
دنيتنا عجوزة على فكرة
لكن عاملة فيها سنيورة
فلو ضامن تعيش بكرة
ف إلحق خدلك معاها صورة
وابكى دى صورة للذكرى
 مع دنيا فانية وغرورة
لو فزت عليها بهدف مرة
ف العودة هتكسبك فورة
وتمسح  بيك طوب الأرض
ونفسك تبقى مكسورة
مهو طولها يابنى زى العرض
وطبعها الغدر كما الكورة
فاحذر لو ضحكتلك الدنيا
دى جنة قصورها مهجورة
وعيشها كأنها استوديو
جاى تاخد فيه يدوب صورة
واضحك عشان تبان حلوة
مدام صحتك عال و مستورة