الشاعر/إسماعيل عبد الهادي يكتب (انا ليه هجرت)

{ انا ليه هجرت }
من وحي قصيدة (ليه هجرت) من ديوان جنون في جنون للشاعرة القديرة صفاء الخواجة
في البدايه ليك عندي
الف اسف واعتذار
مش حقولك ليه هجرتك
او بعدت فجأه عنك
الفراق كان غصب عني
لما تاه منا المسار
لما طال بينا  الجفا
واتحرمت قربي منك
والسهر دبل عيوني
والليل موصول بالنهار
قلبي برضه لسه رايدك
مستني تاني تحنله
اشتاق لحبك وكل همسك
وبحرقه يشكي بدمعته
قلبك. نبضك. كل حنانك
كل د قلبي حاسس بيه
حتي حنانك ويا كلامك
انا ياحبيبي مش مداريه
اصل هواك ياحبيبي مكتوبلي
هجرك انا مقدرش عليه
انا موصوفلي ادوب ف هواك
انا مكتوبلي اعيش وياك
ولسه الوعد ما بينا
جوه قلبي لسه صاينه
واللي بينا من عهود
بين ضلوعي برضه شايله
اوعي تفكر تبعد عني
قلبي لسه بيناديلك
عشان ترضي وتسامح
ويتوب كمان علي ايدك
واللي كان من امبارح
يهون كمان عشان عينك
وننسا هجرنا الجارح
وتاني تئيد  قناديلك
واناديلك يانور العين
تسامحني واغنيلك...
( اسماعيل عبد الهادي )