الشاعرة/ياسمين عبود تكتب (ساعات أكون )

ساعات أكون
زهرة ليها ريحه ولون
صوت ضحكه يهز الكون

فراشه
بجمالها الشجر مفتون
تغازلها فروع وغصون

وساعات أكون
دمعه حزينه مكبوته
ف قلب عيون

ريشه خفيفه
تتمرجح في ريح مجنون
روح مهجوره
بيت فاضي  ومش مسكون
وساعه أكون
قلب برئ ومش بيخون
وقت الشده أيد بتعون

وفجأه يتقلب حالي
وأقول لنفسي أنا مالي
وليه وحدي أنا اللي أصون
هصلح ياعني وحدي الكون

وأنا والدنيا نتمرجح
ساعات أرفض
ساعات أسمح
ملياني ثقه وظنون
تضاد مجنون
#ياسمين عبود