الشاعر الأسطورة/طارق السيد يكتب (أنا البحر في احشاءه الدر)

(أنا البحر في أحشاؤه الدر )
أنا الذي نظر الأعمى إلى أدبي
وأسمعت كلماتي من به صمم
أنام ملء جفوني عن شواردها
ويسهر الخلق جراها ويختصم
.....................................
ياشاعر الفصحى ياطالع فسحة
فى وسط بحورك
ياللي كلامك سمعه الأطرش
تحيا سطورك
أنا عن نفسي شاعر عامية
كتابة الشعر واخدها أنا غية
أنا مجنون بثقافة الحارة
تغرم بيها لو جيت لي زيارة
وأعرف أرسم زيك صورة
وأحمي واحني ديل العصفورة
وأعرف أقول زيك أبيات
من بحر قديم إسمه الظلمات
وإسأل عني أحمد نجم
وعمنا بيرم والحداد
هيقولوا عليا إن أنا فى الشعر
واد إنما كده حتة واد
ياعم الشاعر كلنا شعرا
بتكتب شعرك فى صالون أدبي
انا يكتب شعري فى قهوة بعرة
وصلنا خلاص لنهاية الفسحة
سلام ياجميل ليلتك عسلية
إن كنت ياحلو أمير الفصحى
أنا برضو كمان ملك العامية
بقلم طارق السيد