الشاعر/صبري رسلان يكتب (طريق غرام)

طريق  غرام 
..................
وبقيت وحيد في دنيتي
من غيرك انت
ماشي بدور فين غرام كان 
في الطريق ده
قالت عيونه كتير كلام 
ورماللي  ورده
 سبقني قلبي بإبتسام
والدقه زايده
شغل لي بالي ليل نهار 
في ميعاد  ما جاني
لا عرفت أرد على العيون
يمكن  نساني
يوماتي أحضن وردتك
وأسأل  عليك
وبكره يتجدد أمل
وأحلم  وأجييك
كلمني قولي يا طريق
فين راح حبيبي
خدني  معاك 
لأخر  الطريق
خليك  دليلي
مكتوب على فرحي الألم
وأفضل  وحيد
ولما تكمل ضحكتي
قمري  يغيب
هسأل  عليك حتى الشجر
وخطوه  قدامي
مع  ضي نور ضحكتك
هبعت  سلامي
وياريت أشوفك من بعيد 
وتطيب  الامي
هفضل أعيش على أمل
قلبك  نداني
وبقيت وحيد في دنيتي
مظلوم  وجاني
ياريت يا بكره  تفكره
لساه  ما جاني
بقلم  ..  صبري رسلان