الشاعرة/نجاح حسنين محمد تكتب (الغربة)

الغربة

ياولدي ليه سبتني وفارقت
ولدمع عين أمك مارحمت
لميت كل اللي ليك ورحلت
ذكريات مرة وحنين تركت
وفى بعدك فارقتني الروح
سبتني زي طير مجروح
بلبل يبكي على زمان النوح
عاوز تهاجر روح
خايفة من وداعك لما تروح
ياولدي ليه سبتني وفارقت
جابك قلبك تفارق امك
وتنسى فى يوم حضن ضمك
طب قولي مين يشيل همك
وليه بس قلبك قاسي حجر
انا قلبي عليك انفطر
ودموعي نازلة مطر
حتاخد ايه من غربتك غير شوية هدايا
طب مين ياولدي راح ياخد عزايا
ياولدي ليه سبتني وفارقت
ولدمع عين امك مارحمت