الشاعر/سعيد عباس الضو يكتب (تحيا مصر)

((( تحيا مصر )))
تحيا مصر ف كل دار
فيها راجل مش حمار
قارى فاهم كل حاجه
بس كاره للدمار
تحيا مصر بقلب طفل 
طفل عاشق ل لعمار
طفل لو فكر ويحلم
يلقى حلمه ك النهار
تحيا مصر دى بتاعتنا 
ممكن تروح فيها رقابتنا
لو حد مره يمسها
بس ليه العين صابتنا
تحيا مصر للمزارع
اللى زارع لجل يأكل
واللى لما يجى يحصد
يلقى الف من المشاكل
من سماد ولا حتى بذره
ولا سرطان فى المشاتل
تحيا مصر مش عشان 
إللى قطع أرضه شارع
واللى بايع يوم ضميره
ب الحرام وبيأذى غيره
واللى سهل خط سيره
حد من جوه المصانع
تحيا مصر للمواطن
اللى عايش ع الكفاف
اللى قضى عمره ساكن
ع الرصيف وبدون لحاف
تحيا مصر ب الشريف
اللى عرضه عنده سيف
اللى قام وخاف على أمه
مش ال شافها عمل كفيف
واللى ضحى بكل عمره
مش ال بعها عشان رغيف
تحيا مصر بالتلامذه
اللى جريوا على المدارس
اللى كانو زى همزه
وقت اذمه كانوا حارس
تحيا مصر ب القضاه
اللى كانوا دستور الحياة
مش ال تاجروا بالمواطن
وباعوا القضايا للجناه
تحيا مصر بينا إحنا
ال وقت الجد عملنا سد
لجل نزرع لجل نجمع
لجل يطلع صوت جد
لجل تعلى فيوم صروحنا
لجل يبقلنا قناه
تحيا مصر ب الجميع
اللى كان نسمه ربيع
واللى فكر يوم يبيع
مش تبعنا دا وضيع
سعيد عباس الضو