الشاعرة/صفاء مصطفي الخواجة تكتب (ننسي أحسن)

"ننسي أحسن "

لما تنسي ف يوم و ذكري
تيجي عايزة تفكرك
باللي هانك و إللي باعك
و إللي مرة أنكرك
تلقي نفسك. زي ريشة
و الهوا  بيطيرك
زي نقطة مية سابحة
ضد موجة تغرقك
و الا شوقك. لما ليله
بالحنين. بيحيرك
وبدموعه يملا عينك
و بأنينه يمَررك
تبقي كل الدنيا ديا
          نقطة سودة
وبمرارها. تشَربك
لحظة وحشة. نمر بيها
نلقي روحنا. مجبرة
لما شريط حياتنا ييجي
و بعذابه . يخيرك
((بقلمي/صفاء مصطفي الخواجة ))