الشاعرة/زينب سالم تكتب (جوايا كتير )

جوايا كتير
                                كلمات/ زينب سالم
عشت جواكي و عشتي جوايا
بأحب هواكي و بنبضي هوايا
نور شمسك منور حياتي
مهما غمضت عيني انتي جوايا
############
طب ليه الغربة دبحتني
جواكي الوحدة قتلتني
برغم دمي اللي بعروقي
بيقول بلدي وحشتني
############
عمري ما بعدت عن نيلك
مهما غبت بارجع اجيلك
ليه اهلك غمضوا و نسيوكي
و انا بأحنلك و اناديلك
############
بأقولك يا حضن اهلي و أمايا
أعيدلك بعرقي طيب النوايا
لكن لوحدي ما ينفع تكوني
بهية و أحلى بلاد البرايا
############
يا إما تقلبي ميزانك شوية
يا إما تربي ولادك بحنية
القسوة منك مش هتقوينا
لكن هتضعف الهمة القوية
############
تعبنا كتير و لسة بندور
جواكي حتة خير بتنور
نفسي المخاض ببطنك
يطلع لينا جناين تزهر
تطرح لسان يعرف يعبر
############
          كلمات/ زينب سالم
٢٠١٨/١٠/٢٩