الشاعر/اشرف صديق يكتب (يوميات فرارجي)

يوميات فرارجى

لما تبقى العِشه هَشه
و الفراخ مهبُوشه هبشه
و الديوك فى الحله كشّه
و الحمام معمول مقشّه
يبقى ع البط السلام

لما تبقى الوزة روشه
يجبروها تبقى عامشه
و الطيور رشّوها رشّه
و الحمار عملولوا ممشى
لما حب يستعشى
مالتقاش فى العشه قشه
هد ابراج الحمام

رقَّصُوه كيكى و كاكى
من غبائُه قام يكاكى
لَم كل الغَلّه لما
حب مرة يستحمى
والأرانب م الحظيرة
فى بيرام خالتى نظيرة
والأَوِز غَزُّو غزة
لما حس ف نفسه عزة
 ر وعوا بشر انتقام

و اللى صوصو هد عشه
لما  مرة رفعلوا رمشه
حس انه من الاعادى
فالحمار نهّق و كَرَشُه
قامت الكتاكيت تنادى
ع اللى نايم فى سُبات
و اللى مقهور م السُكات
و اللى مش لاقى الفُتات
واللى عايش مش ف بالُه
الغريب فى المَسْقَه مات
و اللى حظُّه ف مَرَه وزُّه
حَطُّه عِبْره ف فترينات
فترينات للعرض قط
باى ريشه و اى خط
خط احمر أخره جَذْوَة
للى غنى و قال دى نزوة
و اللى قام مرة بغزوة
لو سمحتوا يا بهايم
محتاجين للبط عزوة !!!