الشاعرة/ياسمين عبود تكتب (بالرصاص )

بالرصاص
ارسم كله بالرصاص
اوعى تحط حد حبر
حكمه جوه بال وراس
خلي ويا منك صفر
نقطة ارتكاز واساس
وخلي كله بالرصاص
واللي يقل معك ف امر
جرة استيكه وخلاص
امسحه وعادي سر
هادي راضي بين الناس
واكتب كله بالرصاص
جوه يوميات حياتك
خلي الاستغناء اساس
لو حد ف مره فاتك
مش نداله
بس اخلص للي يخلص
واللي باعك
عامله كأنه ف يوم مجاش
واكتب كله بالرصاص
الواطي اهو سهل مسحه
والخاين جزاء خيانته
يشرب بقى من نفس الكاس
مش هنخون
بس هنخليه مداس
نمسحه باستيكه سهله
يا مرخص قمته ياناس
بالرصاص
#ياسمين عبود