الشاعر/نبيل العادلي يكتب(أنا إنسان )

انا مصرى انا انسان وليا كيان.     
انا مصرى ضئيل حجمى فى كل مكان.
انا مصرى وعشت دهور فقير غلبان.
انا مصرى وفرعونى بيتفرعن عليا كمان.
انا مصرى انا انسان وليا كيان..
ما تيجو احكلكم على حالى ولو كداب .
اكيد هيبان.
ستين سنه وانا باعانى من الفاسد.
صرفت عليه ومن مالى وخد قوتى.
ما أدانى غير الطغيان.
ضمان لى حقى دستورى ووصفنى.
وقال ده انسان.
هيتعالج هيتعلم ويبقى حر فى رأيه.
ويقدر برضه يتكلم .
لقيت عيشتى وانا مبلم فى زنزانة.
وميت سجان.
وزارنى الفيرس الكبدى وينضافلى.
اعيش عيان.
سمعت مرة بالصدفة عن حاجة
يسموها حقوق انسان.
قولت اكتب ويقروها وبرضه الناس.
يشوفوها ومش طالب يزكوها.
انا طالب أكون انسان .
انا طالب اكون انسان.