سلامتك
-----------
سلامتك ياحياة قلبي
ياضي عنيه وهنايا
بلاش تبكي وانا جنبك
تزود جرحي وأسايا
سلامتك يا حبيب عمري
ياريتني كنت انا بدالك
بلاش الآهة قدامي
وانا ماقدرش اشيلهالك
تزيد همي وآلامي
وتعلي الآهة جوايا
دا صوت الأنَّة يدبحني
يدوِّب قلبي ف ضلوعي
ودمع عنيك بيجرحني
تفيض قبلك انا دموعي
تروح روحي بعيد عني
يتوه عقلي ودنيايا
واقول يارب ترحمني
وتشفي حبيبي علشاني
واشوف البسمة تفرحني
وترجع روحي من تاني
والاقي الدنيا تضحكلي
وصاحب عمري ويايا
ليست هناك تعليقات:
إرسال تعليق