حبيته ايوه أنا حبيته
طيب هخبى ليه
هاروحله لحد باب بيته
وافضل اقول لعينه
ع الغرام اللى انا عايشه
والشوق اللى انا فيه
من حبه مابنمشى اليل
باسهر افكر فيه
باسرح وقلبى يبقى عليل
وساعات بانادى عليه
مع انه هو بعيد عنى
لكن دايما قصادى
عينيه دايما تكلمنى
وافضل عليه انادى
حبه أصله مجننى
وملخبط فؤادى
بقى شايفه ومش شافه
وماروحشى ولا اجى
حبيته ايوه أنا حبيته
طيب هخبى ليه
هاروحله لحد باب بيته
وافضل اقول لعينه
ع الغرام اللى انا عايشه
والشوق اللى انا فيه
هقوله دانت مجننى
ومشقلبلى حالى
من يوم ما عينك ندهتنى
وشغلتلى بالى
حاسيت ساعتها ان أنا عاشقك
وسرحت بخيالى
عمال اكرر فى اسمك
واندهلك ياغالى
ياحب عمرى اللى مالكنى
وشاغلى بالى
حبيته ايوه أنا حبيته
طيب هخبى ليه
هاروحله لحد باب بيته
وافضل اقول لعينه
ع الغرام اللى انا عايشه
والشوق اللى انا فيه
احمد سليم
ليست هناك تعليقات:
إرسال تعليق