الشاعر/محمد البريمي يكتب(أنا آسف )

أنا آسف ..
أنا آسف على كل كلمة حب قلتهالك ..

أنا آسف على كل صورة ف خيالى رسمتهالك ..

أنا اللى طوعت هواك ..  و مشيت وراه لما صدقته ..

كنت شايفك ف الصورة ملاك .. خدت الحلم و بدلته ..

خلتنى أأمن لك و أحكيلك .. عالوجع اللى ف قلبى ..

و إتصورت ف يوم قنديلك .. ح ينور ليلى و حبى ..

أتاريك عمال تخدع فيا .. و أنا باديك حبى ..

و تحلى الدنيا فى عنيا .. و أشوفها بعيون قلبى..

كنت ليه بتحبنى .. لما إنت ناويلى ..

إنك تسيبنى و تهجرنى .. و دموعى تملا مناديلى ..

رميت سهمك و جريت .. خلتنى أشكى من ويلى  ..

و لا عمرك يوم حسيت .. بعذابى و سهر ليلى ..

كده يا حبيبى أهون عليك .. تروح و تنسانى ..

و عايزنى تانى أشتاق إليك .. بعد شوقى و حرمانى ..

كنت زمان أعز الناس .. من أهلى و خلانى ..

حبى ليك نسيته خلاص .. مش ح رجعلك أبدآ تانى ..

بقلم .. الشاعر .. محمد أحمد البريمى ..