موسيقه كلاسيك

الجمعة، 31 أغسطس 2018

الشاعر/مصطفي دسوقي يكتب(الشعر الاسمر )

والشَعر الأسمر فوق كتافك
زي موج البحر عايم
آه بحبك آه بحبك
و ف غرامك قلبي هايم
يا اللي خُصلِة شَعر راسك
طول سواد الليل وأطول
ونفس لون الليل كمان
أو يمكن أجمل
آه بحبك
يا اللي وشك زي
قمر الليل في نوره 
آه بحبك
يا اللي علشانك
تملي في كُل سجده
أنا بدعي ربي تكوني ملكي
وربي يقبل دعوة مني
وجنب منك عُمري يكمل
آه بحبك
يا اللي شِعري
مش هيوصف حاجة فيكي 
مهما هكتب شِعر عنك
آه بحبك
يا اللي رمش عنيكي سيف 
آه بحبك
وحبي ليكي
عُمره يوم ما هيبقي زيف
آه بحبك  
يا اللي لون عنيكي عسلي
آه بحبك
يا اللي أصلك أصلُه أصلي
ومعدنك ألماس وحُر
آه بحبك
يا اللي سارقه القلب مني
غصب عني مُش بخُطري
آه بحبك
يا اللي جنبك يحلي عُمري
و من غير وجودك عُمري مُر  
آه بحبك
يا اللي من غيرك حياتي
حالها يصعب ع اليهودي
أرض بور ما فيهاش خضار
وعمرها ما في يوم تسُر
(((..مصطفي دسوقي..)))

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...