#قلب_مكسور
ونسيت إني مخلوقه منك
جزء ومتعلق حوالين رقبتك
ممكن تحبني و أملى بالحب قلبك
جايز كمان أكون ليك أختك
ولا من صغرك تشيل همي كأمك
وبكره كمان تسدد دينك بنتك
ليه تحملني اللي ماتحمله و مقدرشِ
ليه أنت بعقلك الكبير ماتقدرشي
فضلك المولى علينا مش عشان ماترحمشي
لا عشان تشيل عني الحمل مش تذود حملي
هم بيتك شيلاه معاك
وانا ليك سند
غايب عن بيتك هناك
ولبيتك انا عَمد
راجل في ضهرك كمان
بستحمل الجَلد
تتكبر وقلبي يتهان
ربيتلك بنت و ولد
عايز مني أيه نسيت نفسي بيك
وضاعت أحلامي بالحب فيك
ودمعي كان بيجري عليك
ترجع تجيني الغضب ماليك
ايوه نسيت كل كلمه كل لمسه
حتى وعدي مره في همسه
كنت قولته نسيت ولا حاسه
وعايزني راجل في بُعدك
وست كمان دي كارثه
اكيد زي مانسيت
لازم كمان تنسى
حسن سعيد ابراهيم
#أيكادولي
ليست هناك تعليقات:
إرسال تعليق