موسيقه كلاسيك

الجمعة، 31 أغسطس 2018

الشاعر/أحمد سليم يكتب(الديك والفرخة )

الديك راح للفرخة
قالها تعالى نتجوز
قالتله تقدر
على مهرى ولا هتبوز
انا مهرى عشه فخيمه
وانت ياديك بلا قيمه
وعايزنا نتجوز
طب هاتلى دبله وغويشه
وهاتلى طرحه وبيشه
انا عايزه عشه تكون
مبنيه بالطوبه
وعايز اخش على طول
من غير فترة خطوبه
قاعده بقالى كتير
مش قادرة استنى
عايزالى ديك امير
ومعاه اتهنى
لكن انت لسه فقير
ولسه عليك بدرى
اصبر معاك ليه
روح ياديك دوغرى
ووعاك فى يوم
تجينى هنا تانى
دانا فرخة لسه شباب
والفرحة قدامى
روح ياديك من هنا
روح وانسانى
وطول ماانت مش جاهز
متروحش لفراخ تانى
نصيحة منى انا
معاك مهر الفراخ
هتكاكى وتتشرط
ممعاكشى تقعد فى بيتك
ولا فرخه عليك تتنطط
وعجبى
احمد سليم
من فوق السطوح

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...