موسيقه كلاسيك

السبت، 21 يوليو 2018

الشاعر/محمد مكاوي يكتب(وتدور الدنيا )

و تدور الدنيا
   .....
و تدور الدنيا بينا
و تغير احلى ما فينا
ترمى الحزن ف سكتنا
وتسرق فرحة ليالينا
وتاخدنا من جنتنا
وف قلب النار ترمينا
واحنا مكتوب علينا
نمشى المشاوير يا زمان
هى حياتنا مرسومه
فيها المقادير محسومه
ومعاها احلام باقيه
وساعات بتكون معدومه
وبتمشى زى سفينه
عايمه على دمع عينينا
وف وسط بحور الغربه
بتجبنا و تودينا
وتدور الدنيا بينا
و توه فينا خطاوينا
ولا نعرف فين او امتى
الدنيا هترسينا
واحنا عايشين ف توهه
ظلمونا او ظلموها
ولا رحمونا الخلايق
يا عينى ولا رحموها
واحنا مكتوب علينا
نمشى المشاوير يا زمان
...................................
محمد مكاوى
عضو رابطة الزجالين وكتاب الاغانى

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...