الشاعر/محمد البريمي يكتب(قول يا قلم )

يا قلم ..                  إكتب و قول يا قلم .. عالوجع اللى فينا .. ملينا من نفسينا .. و الحكم اللى علينا ..      و إنت يا دنيا بتحسبينا .. بتاخدى ما بتدينا .. يادنيا حسى بينا .. ولا مكتوب لينا .. نشرب المر بإدينا .. و نرضى و نقول ما علينا ..              إكتب و قول يا قلم .. عاللى مات و عاش حزين ..  كان حلمه بيت صغير .. حمام و مطرحين ..          فجأة الزمن إتغير .. و الحلم سرقوه تعاببن ..   وفضل يكتب و يسطر .. و يحكى عن وجع السنين ..  إكتب و قول يا قلم .. عاللى ظلم و اللى إنظلم ..      إكتب و قول ما تخافش .. كفاية حسرة و ندم .. إكتب و ما توفتش .. حرف واحد يا قلم .. عاللى ملو البنوك و الكرش .. و داسو علينا بالقدم ... كلمات .. شاعر البحيرة ..