ياليل ياطويل
هتحس بيا من تاني
وانت ف غربتك وحداني
وياخدك حنين أحضاني
وذكرياتك وكل الاماني
وتقول ياريتني ارجع أوطاني
ألاقي فين حضن يضمني تاني
ياصحابي ياحبابي ياكل جيراني
وبس ليه ياغربة واخداني
أبص من شباكي علي ليل أحزاني
اشوف ع البعد أهلي وخلاني
وحبيب مستحيل يرجع لي تاني
وأم علي صدرها ريحة أحزاني
ياليل الغربة دبلت ورود الأماني
اه لو يرجع بيا زماني
ماكنتش اخترت حرماني
ياليل الغربة روح بقا وانساني
رجعني لتراب اوطاني وصدر امي اصلها واحشاني
بقلم نجاح حسنين محمد
ليست هناك تعليقات:
إرسال تعليق