الشاعر/محمد البريمي يكتب(يافرح )

يا فرح ..       يا فرح ليه ناسينى .. لا بتمسى و لا بتصبح ..      كل ما آجى أنده عليك .. تسيبنى و تروح ..       هو أنا مش مالى عنيك .. أكلمك فيا تفتح .. و أفضل مستنيك .. تنور المطرح ..        مالك يا فرح و مالى ..مخاصمنى ديمآ ليه ..   لا سائل فيا و لا فاكر .. و كل ده معرفش ليه .. إسمى مكتوب في الدفاتر .. و لا إنت شطبت عليه ..      أنا صابر عليك للآخر .. لما أشوف آخرتها إيه ..           بتفرح ناس و تسيب ناس .. هو إحنا مش م المحسوبين ..    فرح هنا و فرح هنا .. و إحنا منابنا فين ..        بتغيب علينا بالسنة .. و إحنا منك محرومين .. طاب حود مرة يمنا .. و لا إحنا يا ذوق متخاصمين .. و الله المستعان ..