قصيدة بعنوان........ جميل الطبع
ومهما حاولت وياهم
تلاقى الغدر جواهم
مدام الطيبة مش فيهم
مدام القسوة سكناهم
................
ومين يفهم جمال الورد
ومين يمسح دموع ع الخد
ومين فينا عايشها ملاك
ومين دفيان فى عز البرد
...................
يادمعة ع الخدود سارحة
قلوب الناس بقت جارحة
وقلبى عايشها ب النية
والفرحة تملى منسية
....................
قابلت كتير وياما هشوف
وكل يومين بأموت م الخوف
معالم بكره مش باينة
وحلم العمر مش مألوف
......................
جميل الطبع يامحلاه
تملى الخير يعيش جواه
يحس بغيره يتألم
وبيداري على بلواه
كلمات الشاعر محمد ثروت عبد الحفيظ
ليست هناك تعليقات:
إرسال تعليق