موسيقه كلاسيك

الأربعاء، 18 أبريل 2018

الشاعر.احمد عبد الله الاسيوطى يكتب/اللي خدعته

اللي خدعته
-----------
اللي خدعته زمان اتغير
واللي جرحته معدش صغير
مستنيك ناوي يجرح قلبك
ويسيبك في هواك متحير
***
بعد ما شاف منك ايام
كل كلامك كان اوهام
كان راجع متعلم منك
واهو باعك معرفش بكام
***
انت البادئ كنت الظالم
بعد ما كنت برئ ومسالم 
سبته ما بين الحياه والموت
ادي حاله وربك بيه عالم
***
لسه بيدعي عليك من غلبه
بعد ما حبك هزمه وغلبه
يتمنى يشوفك مجروح
يفرح فيك ويفرح قلبه
---------
بقلمي
احمد عبدالله الاسيوطي

-

ليست هناك تعليقات:

إرسال تعليق

الاشتراك في: تعليقات الرسالة (Atom)

₩سعادتك مسؤوليتك ₩ كتبتها الأستاذة/ هدي محمد

سعادتك ليست بشكلك                 ولا وظيفتك                                     ولا أصلك                               ولا نسبك سعادتك...