كتبت الشاعرة / نوال أحمد رمضان $آسفة جدا$

اسفة جداااا
 بقلم /نوال احمد رمضان
.......... 

أسفة جداً ... أسفة تانى
 الذكورة مش رجُولة
 الرجُولة مَسئولية
 الرجُولة إنك تكون ضهر وسَند
 أب .. أخ .. ابن .. زوج
شد حيلك يا ولد
حُكم ربى ف القوامة
تبقى راعى البيت ..
وصاينه ف نينى عينك
بالمحبة والمودة والجلد
تبقى قلب بيحتويها
وفرحتك ..
لما تقرا الفرحة طالة من عينيها
 تبقى نبع الحب صافى
مركبة وقت اللزوم
تبقى شط أمان حقيقى
كل لحظة وكل يوم
شمس دافية
وضلة وافية
غير كدا اقعد بعافية
ومالكش دعوة .. لـجل خاطرى
 مرة تانية بالرجولة