كتب الشاعر / منتصر عبد رب النبي ... صباح النصر ...

* * * صباح النصر * * *
جات الأوامر م القيادات
أوامر مباشره من الرئيس
محمد أنور السادات
نداء إلى كل القوات
التحرك إلى الجبهه
يا ترى هتحصل المواجهه
وللا زي كل مره
نوصل ونرجع نعيد الكرره
شكلها زي اللي فات
دا لسه باعت الضباط
علشان يأدوا العمره
خلاص مل لينا إنتظار
قلوبنا مليانه مرار
نفسنا مع بعض نحارب
نفسنا ناخد بالتار
الرئيس معانا قاعد
على الضفه الغربيه
كنا كلنا مستعدين
متشوقين للحظه ديا
جات الإشاره ف ثانيه
قامت قواتنا الجويه
بدك الحصون الإسرائيليه
وف نفس اللحظه حطمنا
خط بارليف بالميه
هدينا الخط وعدينا
قالوا عليه حصين
ماخدش غلوه ف إيدينا
أخدنا بتارنا من أعادينا
رفعنا علمنا على أراضينا
الله أكبر * الله أكبر * الله أكبر
النصر خلاص أصبح لينا
زغرتي يا ام الشهيد
وانت ارفع راسك يابويا
إبنكم له جنه عاليه من ربنا
مات شهيد علشان يرجع أرضنا
العاشر من رمضان
السادس من أكتوبر
يوم هيعيش ف قلوبنا
لحد آخر الزمان
* * * بقلمي
              منتصر عبد رب النبي العت * * *