كتبت الشاعرة / سحر أحمد محمد ¥مبقاش منك غير حبة ورق ¥

خلاص مبقاش منك غير حبة ورق وقلب
من كتر ناره داب وإتحرق
أنا راضيه أكون ع الهامش
أصلي أتعلمت الصبر مع إني
عصبية ومجنونة بس جوايا
طفلة حنونة جوايا قلب فاردلك
جناحاتوا زي كتاب مفتوح
ذاكرته وقريته
هسألك سؤال حد حبك قدي
حد نده ع طيفك قبلي وهو معدي
أنا قلبي سلملك أمره وبيهديك
عمر ع عمره افرح يا حبيبي واتهني
يارب أشوفك في الجنة أصل
الجنه للموعودين الطيبين إحنا صبرنا
وده الوعد اللي ربنا بيه بشرنا
أوعي تقول عليا مجنونة دا أحلي
ما في الحب جنانه إنك تشعر
بقلب حبيبك وتلمس حنانه

#سحر أحمد محمد