كتبت الشاعرة / لبني الخواجه ... والله زمان ...

والله زمان يا قلب أخضر
 وشعر أصفر ،،،، وعود ياسمين
 ونظرة حلوة ،،،بتطل علي الأيام
 وعلى السنين
 وقلب خالي  وضحك عالي
 ولمة وعيلة وصحبة جميلة
 ومركب صغير  وشعور متغير
 لشوق الطبيعة ،،،،
 وشجرة كبيرة بتضلل علينا
 وفيها مورجيحة
 بترفع فينا وتطلع ماضينا
 وتكبر مستقبل رسماها
 عنينا
 وتسارع في بكرة بكلمة
 وفكرة
 وترفرف علينا بغنوة وبسمة
 من فوق أهالينا
 وتزوق شارعنا بأطفال
 المدينة
ونجري ونركب مراكب
 في مينا
 في بحور بلدنا والناس
 الامينة
والله زمان يا عيوني
 الحزينة
اضحكي يا بسمة
 علي دنيا لئيمة
وعيشي بفرحة
 قلوبنا القديمة
بقلمي لبني الخواجة