كتبت الشاعرة / كريمة دومة ... أحلام الصغيرة ...

أحلام البنت الصغيرة

اللى شايلة على ايديها حبة سكر صغيرة

وبتجرى فى وسط النخيل و الغيطان

بتلملم خيوط شمس النهار

من اجل فرحة صغيرة

ونظرة من عنيها وضحكة منورة

وكانت رصاصة غدرة مستخبية وسط الغيطان

موتت احلام البنت الصغيرة

وإتلمو الغلابة الشقيانين

وشالوا الجسد الصغير بايدي

هم التعبانين

وحلفوا ياخدوا التار من الظالم الجبار

اللى داس على احلام الصغار

وسرقوا الضحكة من عنيهم قبل ما تتولد
وقالوا مش حنسكت ولازم نثور من اجل كل الصغيرين

وعلشان يعيشوا فى امان ح نطيح بالظلم والظلام

واللى عاثوا فيه بالقهر والسجان

ونرجع حريتنا وامانا من اجل ولادنا واحفادنا

وترجع البنت الصغيرة تلملم شمس ايامها

والضحكة تبان فى عنيها

ولا تخاف من رصاصة ارهابي جبان