₩عايزة أعيش ₩ كلمات للشاعر / صبري رسلان

عايزه  أعيش
..................
يا  خساره 
بعت  نفسك   ليه   بكام
وفى   عينيك   ضاق   المكان
كنت  فاكر  دنيا  تانيه
كنت  فاكر  ده  الأمان
والحياه  تفتح  بيبانها
بين  أيديكي  ومهما   كان
جاي   تقوللي   سبني  أعيش
والدفا  جواك   ما  فيش
وحده  حبك   ما  يساوييش
دي  اللي  زيي  في  بيت  عدالها
بلاش  تلومني  نفسي  أعيش
كل  يوم   بحلم   ببكره
حلمي   تاه   ولا  صحانيش 
إمتى  تيجي  يا  حلم   بكره
عايزه   أفرح   عايزه   أعيش
مش  كفايه  عمري   ضاع
والأمل   بيقول   وداع
والسنين   تجاعيدها   بانت
وشها   إدارى   مني
إدارى   مني   ما  بصليش
أسألوا   حتى   مرآيتي
يا   مرآيتي   ما   تكدبيش
مش  كفايه  حلمي   داب
والخداع  له   ألف   باب 
صابرة    ياما   في  دنيا  عتمه   
غير    ملامك   والعتاااااااب 
بكرة   رايحه   لدنيا   تانيه   
وإنتهى  بينا   الحساب
رايحه   أعيش   عمري 
اللي   غاااااااااااب   ..
بقلم  ..  صبري رسلان