كتب الشاعر / منتصر عبد رب النبي ¥الصحاب ¥

* * * الصحاب * * *
رب العباد واحد
بس الصحاب أنواع
مش أي صاحب يتصاحب
ولا كل صاحب يبقى شاريك
فيه م الصحاب اللي يعاتبك
تلاقيه شاغل باله بيك
لما تحزن يوقف جنبك
عمره ما يسيبك وحدك
يعمل كل شئ ف إيديه
علشان م المحنه يعديك
للصواب تلاقيه يهديك
دا صاحب تتمسك بيه
إن غاب عنك دور عليه
إوعى يضيع من إيديك
بروحك كمان افديه
خليك نعم الصاحب ليه
نوع نادر ما فيش زيه
صعب جدا يوم تلاقيه
خد كلامي درس ف حصه
الصاحب الوفي زي الفرصه
بتيجي ف الحياه مره واحده
نادر بجد تكرارها
النوع التاني بلاش منه
مش هاحكي حاجه عنه
الكل انكوىَ منه
وجوده زي عدمه
*     *     *   
* * * بقلمي
                منتصر عبد رب النبي العت * * *