كتب ملاح الحكمة أ/ مرقص أقلاديوس ¥بصحيح ¥

بصحيح
بقلم..مرقص إقلاديوس
.........................
عاوز تعرف
إن كان بيحب بصحيح.
أنا أقول لك.

إللى بيحب حبيبه بصحيح
يدعيله..
عدد دقات القلوب.
عدد عيون البشر.
عدد رمل البحور.
عدد قطرات المطر.
ربنا
يديله و يديله.
يديله صحة و فرح.
يحوش عنه
الوجع و الجرح.
يبارك له
فى كل إللى
تتمد ليه إيديه
بالثمر يجيب طرح.
و يكون دايما
من ربنا قريب.
تتطلع لوشه
تعرف قربه
من غير شرح.

إللى يحب حبيبه بصحيح.
يقف جنبه
قدام الدنيا و تعب سكتها.
ضد المعايش و شقوتها.
  طول الليالى و وحدتها.
فى وش الناس و قسوتها.
و إن مالت منه الشيلة.
يشيل عنه.
و إن عاندوه الناس
يساعده.
و إن بعد عن ربنا
ينبهه و يعقله،
مش يعانده.

إللى يحب حبيبه بصحيح
مهما حبيبه قسى.
مهما حبيبه نسى.
مهما حبيبه جفى.
يفضل دايما دايما جنبه.

استغربت
لما بص لى باستغراب.
و قال لى
بنبرة واضح فيها العتاب.
إللى قلته ده
بصحيح.......
           ملاح بحور الحكمة
           مرقص إقلاديوس