₩لك الله يا بنت فلسطين ₩ كلمات للشاعر/ سيف النصر عثمان

ماتقولي ايه تهمتك

فجرتي كام دانه

💣💣💣💣💣🧨🧨🧨

وقتلتي كام مليون

ب مصاصه ولبانه

👧👧📍📍📍👧👧

كمان دموع حضرتك

.... الدنيا غرقانه

😭😭😭😭😭😭😭

....

ليه ساكته ماتردي

اه ياخوفي من ردك

بكلمه بتهدي

م دمارها من هدك

والنار بتحرقهم

من حمار خدك

تكونيشي كوتيهم

برمشك القتال

سويتي حكاويهم

طاب الكلام واتقال

ماتسمعينا القول

يمكن يكون في سم

طاب لو حكيتهولك

لو اتفرد يتلم

.........
👧

اقول لك انا جنايتي

وجرمي اللي كاويني

انا اصلي عربيه

هوايا فلسطيني

من مولدي لليوم

ماشيه وجمر النار

م عرفت طعم النوم

عقلي شرد واحتار

مره حقوق انسان

مره عرب عربان

وباقي البقيه سكوت

بيهزوا بس الراس

وال يضربوا فينا

واقفين لهم حراس

الذل دايقينه.. والمر شاربينه

جوه الجحور موطن

واحنا اللي ساكنينه

كلب.. العدو.. وجزار

سانن سكاكينه

والحلق متحشرج

والكلمه مخنوقه

والهدمه مشقوقه

والدمعه جوه الجفن

متحجره ف عيني

.....

جريمتي يا ابن الناس

متلخصه ف كلمات

النخوه والاحساس

زمان صاحبهم مات

.....

وانا اديني اهو

للعين وللسامعين

متكتفه بالاه

والعيبه ع الباردين

واللي وعدنا مجاش

وشله الاوباش

كبسم ودانهم شاش

وقالو مش سامعين

.....

والفرجه اهي ببلاش

...

وين الملايين

.......

لك الله يا بنت فلسطين

.....

سيف عثمان