كتب الشاعر / حمدي محمد #شهيد إمبارح #

قصيدة لشهداء اكتوبر
شهيد امبارح سابنا وراح.. وشبابنا جاي يمحي جراح
وبلدنا ولادة ولادها رجالة يقدروا  يغلبوا اي مهنانة
ويصدوا أي عداوة بالهمة وبالكفاح
الدور علينا احنا نبقى أيد واحدة ونرجع حلمنا لينا
ونواجه أي محنة تواجهنا ونصد يد مين يعادينا
اكيد عالصعب هنعدي ولا بد نرسى على مينا
ونعيد النصر وتكمل فرحتنا بأغانينا
شعبنا حي والكل باقي.. وبكرة جاي بنور ملالي
عارفين إنه الدم غالي مش هيطولة واطي ضلالي
احنا اعلى واقوى واكبر من أي حد إنه يفكر
يهدم وطنا او يدمر
إحنا ولادك يا مصر وهنقدر نعديبك لبر الأمان
وجه الدور اننا نقوم وننهض ونعلى ونكون
فوق الشر مهما يكون ولا تغمض لينا جفون غير
غير لما نعيد الامان
ودلوقتي أن الاوان نبقى دولة هنية وغنية
ونبقى أمه عندها عدالة وكرامة وإنسانية
ونسبق الكل في عدالة وحرية
ونبقى بلد الأمن والأمان