كتب الشاعر / عبد الحميد السماحي #بنبض قلبي #

بنبض قلبي
بقلمي
داري عني رموشك داري
كل الجمال شايفه قبالي
حتى خطوتك تدق بقلبي
هى النبض اتغير حالي
ايدي لإيدك بستناها
إمته حبيبي تبقى حلالي
وسط الخضره تجري ورايا
واجري وراك واقول موالي
سمعه يا دنيا ردي عليا
شايفه الضحكه هو غزالي
هو الشط فى وسط الصحره
هو الفكره اللى عيشه فى بالي
داري عني رموشك داري
شعرك سايب وسط الليل
افديك عمري وكل مالي
لكل زفه أروح وأفرح
وادعي يارب واقول عقبالي
ايدي فى إيدك أروح وأهني
غصب عني مصبر حالي
داري عني رموشك داري
بقلم
عبدالحميد السماحي