السلام عليكم ورحمة الله وبركاته
ازيكم يا احبابي وحشتوني جدا جدا
حان الان موعدنا مع حكايات خالتي بامبه الحلقة رقم ( ١١)
تعالوا معايا نشوف هتكلمنا عن ايه
اهلا وسهلا بالناس الغاليين اولاد الاصول اللي على الاخلاق والكرم الجميل متربيين
والله بجد بتوحشوني واعذروني على الغياب مانتوا عارفين ظروف الشهر الكريم والصيام وعزومات من الاهل والاحباب يارب دائما متجمعين على الخير والفرحة اللي في قلوبنا ويبارك ديما لمتنا
كنت معزومه النهاردة عن قرايب زوجي وكلنا ايه متجمعين
واحدة منهم بتحكي لنا ان جاي لبنتها عريس
وطبعا قاعدة تتكلم عن التفاصيل وتقول احنا هنطلب لبنتنا دهب مش هايقل عن ٧٠٠٠٠ سبعين الف جنية ويفرش لها اربع اوض غير انه هيجيب السجاد والستائر
واحنا هانجيب الادوات الكهربائية وادوات المطبخ والمفروشات
والنيش
طبعا انا سمعت الكلام بس بصراحة ماعجبنيش اسكت ولا اتكلم؟
لاء بصراحة ماقدرتش اسكت لانه حرام اوي اوي للطرفين بصراحة
تعالوا نتكلم بصراحة شويه بعين المنطق
يا جماعة اما عريس بيتقدم لعروسة علشان يكمل نصف دينه
واما بنتنا يجيلها عدلها وربنا يبعت لها نصيبها
سواء العريس او العروسة
يا اهل العريس يا اهل العروسة ساعدوهم انهم يفتحوا بيت الشباب في هذا الوقت محتاج الناس الواعية المتفتحه المتفهمه اللي تقف بجانب العريس وتاخده ابن لها وتحاول على اد ماتقدر انها تخفف عنه وتساعد باللي تقدر عليه
هو احنا ليه اما يتقدم عريس لبناتنا بنحاول نعجزه ونعاقبه انه جه او فكر انه يتجوز
وبنتعامل معاه على انه مصباح علاء الدين اللي هنطلب منه المستحيل وهو هينفذ الطلبات دي في الحال
الشاب ده عليه متطلبات كتير اوي مطلوب منه شقة وجهاز (العفش يعني) وذهب ومتطلبات اخرى كتير اوي اوي وكلها مكلفة جدا وتقسم ظهر شاب لسه في بداية حياته
تعروفوا الرسول عليه الصلاة والسلام قال لنا ايه "من جائكم ترتضون دينه وخلقه فزوجوه"
وبرضه " اظفر بذات الدين تربت يداك "
يا احبابي هو احنا يا اولياء الامور اما نطلب بمبلغ وقدرة ذهب علسان نتباهي ادام الناس والجيران ان جه لبنتنا بكذا ذهب الناس هتعمل لنا ايه والذهب غالي جدا جدا
وليه اصلا ابو العروسه يحدد مبلغ للذهب هو مش بيبيع بنته ولا هي بيعه وشروه ياريت نتقي ربنا ونيسر ونساعد في بناء اسرة جديدة
صدقوني لا بالذهب ولا بالجهاز المبالغ فيه هتكمل السعادة
وبعدين بيغظني اوي حتة الجهاز بتاع العروسة
ليه العروسة تجيب غسالتين وثلاثه وثلاجتين وثلاثة ايوا والله فيه ناس بتعمل كدا
وغير الاجهزة الكهربائية المبالغ فيها
يا امي ويا ابويا بنتكم رايحة تفتح بيت مش هتفتح معرض
نجيب الحاجة اللي هتستخدمها مش نخزن لها كمان ونكركب عليهم الشقة
وكمان النيش ده مصيبة كبيرة اوي الناس بتشتري حاجات غالية اوي وترصها في النيش يعني بياخد اكثر من عشرين ثلاثين الف جنيه يترصوا كدا بدون لزمه والنيش ده مافيش حاجه بتخرج منه ولا حد بياكل في اي حاجه منه طب ايه لزمته يعني مش فاهمه
غير ما بتشتري حاجات تانية بقى للاكل يعني تشتري اطباق صيني وخلافه للمطبخ غير اللي جه للنيش بصراحة ده هبل وعنتظه فارغه وارهاق للاب والعريس
ياريت نحكم عقولنا ونراعي ربنا في طلباتنا ونساعد الشباب انهم يقدموا على الزواج
وصدقوني العريس مش هيقول اننا بنديه بنتنا ببلاش لانه مش جاي يشتري عروسه لعبه ده ليتقدم لبنت الاصول اللي تكون نصه التاني وسنده في مشوار حياته
ويا اهل العروسه بلاش حكاية الذهب ده يعني بنكتفي بشبكه بسيطه اعلان ان بنتنا دي اتخطبت
مش هنلبسها محل الصايغ علشان نقول للجيران ان العريس شاري اوي غني وهو الله اعلم اتقطم وسطه علشان يجيب الدهب ده ازاي ويرضيكم
ياريت نرضي ربنا ونتقيه في الشباب دول بجد ونحاول نقضي على المهور المبالغ فيها والطلبات اللي ملهاش اي لزمه غير انها بتعجز وتظلم الطرفين
فين ايام ماكنا بنجهز على اد حلنا وكانت نمليه بضلفتين في المطبخ ولا نيش ولا دهب مبالغ فيه
اقتصدوا وساعدوا في بناء بيت وشجعوا الشباب على الاقدام على الزواج ياريت اتمنى المفاهيم دي تتغير وصدقوني لا هنسمع تحرش ولا اغتصاب ولا اي شيء من الحاجات الغريبة على مجتمعنا الشرقي
اتمنى تكوني رسالتي وصلت
....... ياعيني عليا.......
#بقلم_حنان_محمدعبدالعزيز
ازيكم يا احبابي وحشتوني جدا جدا
حان الان موعدنا مع حكايات خالتي بامبه الحلقة رقم ( ١١)
تعالوا معايا نشوف هتكلمنا عن ايه
اهلا وسهلا بالناس الغاليين اولاد الاصول اللي على الاخلاق والكرم الجميل متربيين
والله بجد بتوحشوني واعذروني على الغياب مانتوا عارفين ظروف الشهر الكريم والصيام وعزومات من الاهل والاحباب يارب دائما متجمعين على الخير والفرحة اللي في قلوبنا ويبارك ديما لمتنا
كنت معزومه النهاردة عن قرايب زوجي وكلنا ايه متجمعين
واحدة منهم بتحكي لنا ان جاي لبنتها عريس
وطبعا قاعدة تتكلم عن التفاصيل وتقول احنا هنطلب لبنتنا دهب مش هايقل عن ٧٠٠٠٠ سبعين الف جنية ويفرش لها اربع اوض غير انه هيجيب السجاد والستائر
واحنا هانجيب الادوات الكهربائية وادوات المطبخ والمفروشات
والنيش
طبعا انا سمعت الكلام بس بصراحة ماعجبنيش اسكت ولا اتكلم؟
لاء بصراحة ماقدرتش اسكت لانه حرام اوي اوي للطرفين بصراحة
تعالوا نتكلم بصراحة شويه بعين المنطق
يا جماعة اما عريس بيتقدم لعروسة علشان يكمل نصف دينه
واما بنتنا يجيلها عدلها وربنا يبعت لها نصيبها
سواء العريس او العروسة
يا اهل العريس يا اهل العروسة ساعدوهم انهم يفتحوا بيت الشباب في هذا الوقت محتاج الناس الواعية المتفتحه المتفهمه اللي تقف بجانب العريس وتاخده ابن لها وتحاول على اد ماتقدر انها تخفف عنه وتساعد باللي تقدر عليه
هو احنا ليه اما يتقدم عريس لبناتنا بنحاول نعجزه ونعاقبه انه جه او فكر انه يتجوز
وبنتعامل معاه على انه مصباح علاء الدين اللي هنطلب منه المستحيل وهو هينفذ الطلبات دي في الحال
الشاب ده عليه متطلبات كتير اوي مطلوب منه شقة وجهاز (العفش يعني) وذهب ومتطلبات اخرى كتير اوي اوي وكلها مكلفة جدا وتقسم ظهر شاب لسه في بداية حياته
تعروفوا الرسول عليه الصلاة والسلام قال لنا ايه "من جائكم ترتضون دينه وخلقه فزوجوه"
وبرضه " اظفر بذات الدين تربت يداك "
يا احبابي هو احنا يا اولياء الامور اما نطلب بمبلغ وقدرة ذهب علسان نتباهي ادام الناس والجيران ان جه لبنتنا بكذا ذهب الناس هتعمل لنا ايه والذهب غالي جدا جدا
وليه اصلا ابو العروسه يحدد مبلغ للذهب هو مش بيبيع بنته ولا هي بيعه وشروه ياريت نتقي ربنا ونيسر ونساعد في بناء اسرة جديدة
صدقوني لا بالذهب ولا بالجهاز المبالغ فيه هتكمل السعادة
وبعدين بيغظني اوي حتة الجهاز بتاع العروسة
ليه العروسة تجيب غسالتين وثلاثه وثلاجتين وثلاثة ايوا والله فيه ناس بتعمل كدا
وغير الاجهزة الكهربائية المبالغ فيها
يا امي ويا ابويا بنتكم رايحة تفتح بيت مش هتفتح معرض
نجيب الحاجة اللي هتستخدمها مش نخزن لها كمان ونكركب عليهم الشقة
وكمان النيش ده مصيبة كبيرة اوي الناس بتشتري حاجات غالية اوي وترصها في النيش يعني بياخد اكثر من عشرين ثلاثين الف جنيه يترصوا كدا بدون لزمه والنيش ده مافيش حاجه بتخرج منه ولا حد بياكل في اي حاجه منه طب ايه لزمته يعني مش فاهمه
غير ما بتشتري حاجات تانية بقى للاكل يعني تشتري اطباق صيني وخلافه للمطبخ غير اللي جه للنيش بصراحة ده هبل وعنتظه فارغه وارهاق للاب والعريس
ياريت نحكم عقولنا ونراعي ربنا في طلباتنا ونساعد الشباب انهم يقدموا على الزواج
وصدقوني العريس مش هيقول اننا بنديه بنتنا ببلاش لانه مش جاي يشتري عروسه لعبه ده ليتقدم لبنت الاصول اللي تكون نصه التاني وسنده في مشوار حياته
ويا اهل العروسه بلاش حكاية الذهب ده يعني بنكتفي بشبكه بسيطه اعلان ان بنتنا دي اتخطبت
مش هنلبسها محل الصايغ علشان نقول للجيران ان العريس شاري اوي غني وهو الله اعلم اتقطم وسطه علشان يجيب الدهب ده ازاي ويرضيكم
ياريت نرضي ربنا ونتقيه في الشباب دول بجد ونحاول نقضي على المهور المبالغ فيها والطلبات اللي ملهاش اي لزمه غير انها بتعجز وتظلم الطرفين
فين ايام ماكنا بنجهز على اد حلنا وكانت نمليه بضلفتين في المطبخ ولا نيش ولا دهب مبالغ فيه
اقتصدوا وساعدوا في بناء بيت وشجعوا الشباب على الاقدام على الزواج ياريت اتمنى المفاهيم دي تتغير وصدقوني لا هنسمع تحرش ولا اغتصاب ولا اي شيء من الحاجات الغريبة على مجتمعنا الشرقي
اتمنى تكوني رسالتي وصلت
....... ياعيني عليا.......
#بقلم_حنان_محمدعبدالعزيز
ليست هناك تعليقات:
إرسال تعليق