مزاد الأزمان
((رجل المزاد))
قرب قرب خش إتفرج ياللا بسرعه متستناش
متستغربش متستعجبش متستنتجش متسألناش
قرب قرب خش لجوة يلا مزاد ألا أونا ألا دوا
زمني زمان وزمن دلوقت على مين يرسى مزادنا دا هو
((رجل الزمن القديم))
زمان ومش زمان قوي زمن جميل بيحتوي
كل الجميل والمستوي والملتوي مالوهش فيه
زمن جميل كان فية تملي الأصيل الحلو إللي
لسة روحي عايشة فيه
زمان فقيرنا لما بيفرح من فرحته بيقول ياحلولّي
وناس بتغني آمان يالاللي وجوز قضبان وترام تروللي
والأتوبيس بتلات أبواب والكستور أتواب أتواب
وناصية حارة ومخبأ غارة والتحويجة وطب عطارة
وأحلى تحية وأحلى سلام لسفيرة عزيزة وست سمارة
وأبو عرام يشبه علي بابا وعلي بابا شبه أبو عرام
والعوام ولويزا الطاهرة ونادي السينما وتاكسي السهرة
وأبلة فضيلة وعمو فؤاد وقراءة رشيدة عادل وسعاد
وإجري بسرعة ياواد ياحسين شوف لنا ريري بيتباع فين
وإعلان رابسو وإعلان سافو ومعجون آرتيف بالفلورين
آدي زماني إللي بعيش فيه أبيض وإسود وإللي هاويه
يتشقلب ورا شقلباظين ويعمل زيي ويعيش فيه
(( رجل الزمن الحديث))
وأنا زمني الأن زمن التفتيح والزقططة ويا التفاريح
سلامات سلامات أحلى السلامات سلامات على كل المستويات
سلامات كده مني يامستمعين كل الحرافيش ويا البهوات
زمني الأن زي الكورنيش لما يهل عليه الليل
فيه الهلس وأكل العيش والفرافيش ويا التحابيش
والكتكوت إبن اللعيبة والكتكوتة النافشة في ريش
والسمانة وناب الشيبة والعصافير ويا الخفافيش
فيه الوردة وفيه الفلة وفيه الماشين فيه بشويش
وكوز درة مشوي و زر بطاطا وتحت الكوبري و شم الكلة
مابين مناخير سفروت وشلاطة مع سيجارتين فلتر كرتيلا
وترامادول مع عم شحاتة أو حتى مع الواد زعبولا
كل دا كله على الكورنيش حكيتلكو عنه يادوب تناتيش
((رجل المزاد ))
مزادنا الأن على الأفلام ياترى على مين مزادنا هيرسى
هيرسى على أفلامنا الأن ولا زمان هيكون المرسى
(( رجل الزمن الحديث))
طب بقا هتقول إيه في أفلامنا زمان أفلامكم ولا زمانا
أفلامكم لابسة الطربوش وأفلامنا بمطوة وخرطوش
أفلامنا الأكشن والساسبينس حرب وضرب وعري وجنس
من إبراهيم لابيض لالماني وحشيش بلدي أو أفغاني
وبطل الفيلم بطل حشاش ومعاه رقاصة وكام رشاش
يايكون عبده وشهرته موتة يايكون واحد إسمه القشاش
والتصوير في شقوق الحارة يانهار خارجي في أبو رواش
((رجل الزمن القديم))
الأفلام حسب الأهواء الألماني شد الأجزاء
على كل القيم المصرية صبحت بلد الواء الواء
وزمنى زمان زمن الأفلام كان يتقال فيها أحلى كلام
عزيز عثمان اخدوه لبنان وهناك عشوه
ان قال بلاليكة بشارة واكيم بيقول بلا شو
وراح بلاليكة عشق كاريوكا وطبلها على دومّة وتكة
وسلامه بسلامته آهو لف بلاد يصرخ وينادي محمود وجهاد
وحرب تتار وهولاكو جبار مع خوذه ودرع وسيف بتار
وفيلم يبين فن زمان لفريد شوقي وهدى سلطان
حسن كان أسطى وعيشته أليسطا برغم الفقر وضيق الحال
عمره مازار خمارة كوستا إنما كان دايما يشكي الحال
يدي عزيزة شلن للواد وهى كمان مصروفها بريزا
ترد حماته تقول مالغيظة نجيب كيلو لحمة وكيلو خبيزة
وبطة ووزه وفرخة بدارة وياريت تعزم أهل الحارة
كل شويه عليه تتريق خُلق حسن كان أصلا ضيق
يزعل منها عزيزة تصالحه تغني وتتغزل فى ملامحه
يامحلى جمال الليل ياعزيزة وانتى معاكي حسن وعزيزة
.................................
وحفيظة مرات العمدة دايما مع فاطمة معاندة
وفاطمة كمان كيادة بتكيد فى حفيظة بذيادة
تطبخ للعمدة فى وز وحمام بفريك أو رز
تحشرلُه فى زورو الوزة وتقولّه ياعمدة إتغذى
والعمدة يعبي فى كرشُه م التخمة ينام على فرشهُ
وفاطمة تاخد قناصتها والكبدة وجوز جناحيتها
والرقبة وطبق الفتة لولادها وابو العلا
ولما قالتله ياعمدة أنا حامل فى الولا
قالها ودا جالي منين مالمستك يوم ولا
قالت من شرع الله من جوزي أبو العلا
.................................
العمدة فى لحظه إتشل من طعم مرار الذل
والناس جايه تهنيه وبجهل تبارك ليه
وهو فى سره يقول دا مش إبني تباركولي ليه
فين ايام آسيا وشاهين طب فين فيلم صلاح الدين
كان احمد مظهر دايما يظهر وقت الجد فارس مغوار
قال للغرب فى وقت الحرب ان تيجوا بلادنا تيجوا زوار
وصلاح نظمى تخاف أعاديه من وشه الصارم
والعوام ان يوم راح سوريا بيوصل عايم
وجمال فرجِينيا زى الدنيا آخره زوال
وعمك ريتشارد بعد حروبه سلم فى الحال
قصر كلامنا كانت افلامنا فى ماضى زمانا فتيل أحلامنا
((رجل المزاد ))
مزادنا الأن على زمن الحب هنشوف كفة مين هتطب
يلا تعالوا يامستمعين طرطأوا ودن وفتحوا عين
((رجل الزمن القديم))
غنوة وقالها سمعه زمان ومحمد فوزي وبوحه كمان
الحب زمان كان غير دلوقتي ياريت يازمان بقا تيجي دلوقتي
الحب زمان كان نظرة عين ورمش بيوصل بين فلبين
وخطفة قلب في السلامات تسري الرعشة في إيد لتنين
الحب أساسه كان الحنية والتنهيدة كانت أغنية
إللى تحب تشب تطل من الشباك
وتقول لحبيبها بنظرة عين أنا قلبي معاك
ولو يوم يبعد ويغيب عنها تغني لليلى مراد رايداك
(( رجل الزمن الحديث))
الحب الأيام دى الدباديب وقلوب حمرا ونظرة ديب
دلوقت الحب بدون تكليف تقدر تاخده فى نص رغيف
زى اللمبي ماقال فى الفيلم الشوق الشوق بولوبيف بولوبيف
((رجل المزاد ))
مزادنا الأن على التعليم هيرسى مزادنا ياترى على مين
((رجل الزمن القديم))
صباح الخيرعلى ناس مهرية نحو وصرف وصورة بلاغية
وإستعارات مكنيات والكنايات وصور خيالية
ياللي درستم لغة عربية ياناس أنصار محو الأمية
شوفوا وصلنا لفين دلوقت على إيد ناس جاهلة وفقرية
يبقى الواحد منهم شحط ويقول فشخ إحلقله و فحت
وكلام تافه وكلام هايف وكلام بس يشد لتحت
ياشباب فاكس ياشباب تيت ياشباب في التفاهات بيظيط
فكروا حبة بقا في لغوتكم تلقاكو جيل أهبل وعبيط
درستم إيه بس في مدارسكم ولا إتعلمتوا إنتوا في فيسكم
ونقلتولنا كلام ماله معنى من تفانين معجم إبليسكم
كلمتكوا أنا بلسان منكم يمكن تفهموا إني فاهمكم
حطوا كلامي حلق في ودانكو ياإما خيبتكم على وكستكم
(( رجل الزمن الحديث))
نازل دحُ أبتثجحُُُُُُُ جبر وكميا ونحو وصرفُ
أخوات كان نصبت على إن رفعت إن قضية بضمة
والموضوع دا بكل صراحة محير عقلي وفية 100 إن
وكب 2 مين كبها مين قالوا كبها س أس 2
إنكبت منها غصبا عنها شوفها بكام كده وإخصم منها
وعمك توت نايم مبسوط نام متسلطن جوة تابوت
قام من نومته وقال ياسلام بعتوا الموميا بتاعتي بكام
ورحمة أبويا عنخ أمون ياأخد حقي ياأقول لأتون
((رجل الزمن القديم))
شوف شكسبير كدا قاللك إيه وإعرف قصده كمان كان إيه
أنا شكسبير كاتب كبير بفكر عالي ومستنير
أكتب رواية ب 100 حكاية بطلها صعلوك أو أمير
إسألوا يوليوس قيصر لما طعنه بروتس إيه التفسير
وإسألوا هاملت وأسألوا عمه وسر علاقة عمه بأمه
وإسألوا سحر عيون جوليت إزاي سحرت في عيون روميو
أنا العطيلي أنا الماكبيثي ياحلم ليلة صيفي بمسي
ع اللي فاتوني وهربم مني وقضلوا عني رينالدو و ميسي
أنا شكسبير أديب كبير وليم سفير الكينج لير
وقعت من أبراج عقولكوا زي ما وقع الدب في بير
((رجل المزاد ))
مزادنا الأن مازال شغال على الأغنية والموال
(( رجل الزمن الحديث))
إحنا ياخلق الأن أغانينا بتمتعتنا وبتسلينا
وبتهيصنا وبترقصنا وبتشخلعنا وبتطير بينا
يامحلى جمال المدفعجية لما يغنولنا الأغنية
وأوكا وشحتة وغاندي وريكو وإلعب يلا و8 المية
أجمل من أغانيكو زمان برق وعود وقانون وكمان
إحنا الجيل الواعد الصاعد وإنتوا الجيل إللي ماهيبان
((رجل الزمن القديم))
فين الموال والأغنية فين عرباوي وفين عدوية
وفين ياخوانا 3 سلامات فين العزبي وفين يابهية
والله أغانى زمان ياخوانا تخش قلوبنا قبل ودانا
سومة وحليم وكلام يتغنى وفايزه تغنى لتمر الحنة
والمونولوج كان زي الموج عالي في بحر الإسكتشات
وإذا كان دا شرط البهوية يحيا العدس عشر مرات
قربت خلاص ياشباب أتجن من دبابيركو النازلين زن
ياشباب غاوي المهرجانات رقصكو رقص البهلوانات
أنتم منا ولا علينا ولا ولاد ستين خواجات
ياشباب فاكس ياشباب تيت ياشباب أشبه بالعفاريت
شعر محفلط جل مزفلط والبوكسر طفشان م البيت
ولا كمان الداهية السودا بناطيلكو الماشية على الموضة
إللي مقطع واللي مرقع واللي مهربد والبرمودا
نفسي أعرف مين إللي أويكو فين أهاليكو ولا ماليكو
ياللي عاجبكوا المدفعجية وأوكا وشحته وغاندي وريكو
اللى يفحر واللى يمحر واللى بيرغي كتير ويلت,
واللى يغنى بكل بجاحه يغنى يقول هاتى بوسه يابت
واللى شرب فى سيجارته البنى بعديها غنى دماغى بتاكلني
طب وانا مالى ياعم ومالك هى دماغي ولا دماغك
ياهل المغنى كفايه أغاني أبوس فى دماغكو دماغي وجعاني
(( رجل الزمن الحديث))
نرد عليكو بكل ألاطة وتقولهالكو بكل بساطة
بسيطو بسيطو أغانيكو فنيتو
أكل عليها الدهر وشرب وبعد ما كل حلى بمعاليكو
وهنقول كلمة تجيب الناهية وكرداسة أقرب قوي من ناهيا
يكفي الناس بعد أما نغني يتنحنحو ويقولوا شفيتو
وإحنا نغني يعيش جمهورنا وتعيشلنا دايما شلاليته
بسيطو بسيطو قوللنا شفيتو
((رجل المزاد ))
حان الأن مزادنا عشان
التلفزيون الأن وزمان
ودي أخر فقرة
وعايزين نعرف مين خسران ومين كسبان
(( رجل الزمن الحديث))
تلفزيونكو 3 قنوات تلفزيونا بفضائيات
تلفزيونكم أبيض واسود تلفزيونا ألوان في شاشات
مسلسلاتكو طاحونة وساقية والتصوير في مناطق نائية
مسلسلاتنا مواكبه العصر والتصوير في دريم ومراقيا
حتى كمان فوازيركو قديمة فوازيرنا احنا عليها القيمة
((رجل الزمن القديم))
تلقزيونكم كله تفاهة هبل توك شو وعته وبلاهة
إللي في يوم لبسته جنيّة أو مندوه ندهته نداهة
يجي لشيخكو إبن الجنيّة يشخشخ جيبه بكل بلاهة
الآن إلى مطبخ أبلة مديحة بتوصف وصفة لست سميحة
تحط البرفان ع الملوخية وكسبرة ناشفة على التسريحة
وإعلان جامد قوي عن فيلا إذا كان في مارينا أو ماربيلا
والمتفرج جاتله الحسرة علشان بيته مبني من الجلة
وإللي على فلانة مسكت ذلة تيجي ع الهوا كدا وتطلعها
وإللي عايز في دماغه 100 قلة علشان خد من جيبنا ماخلى
ومشهور جدا في الأوساط إن سعادته حرامي الحلة
واد حريف قوي في التشويش وماجيستير فن التهميش
وإللي يجيب هيفاء في الصورة ويقولنا حلوا الفزورة
وإحنا نقوله نبوس على راسك خلي الصورة ياواد مستورة
خد هيفاءك وإبعد عنا مش هنرن عليك ولا رنة
ونصيحة منا يابو الفوازير لو شوفتنا يوم تهرب منا
آدي التلفزيون و عمايله وادي كلامي ودا إللي أنا قايله
ولو شايفيني أنا واد مجنون يبقى جناني محدش طايله
((رجل المزاد ))
ألا دونا ألا دوا بقا أنت وهو مذادنا خلاص فنيتو هنا هو
ردوا علينا يامستمعين رسي على مين مذادنا دا هو
بقلم طارق السيد
((رجل المزاد))
قرب قرب خش إتفرج ياللا بسرعه متستناش
متستغربش متستعجبش متستنتجش متسألناش
قرب قرب خش لجوة يلا مزاد ألا أونا ألا دوا
زمني زمان وزمن دلوقت على مين يرسى مزادنا دا هو
((رجل الزمن القديم))
زمان ومش زمان قوي زمن جميل بيحتوي
كل الجميل والمستوي والملتوي مالوهش فيه
زمن جميل كان فية تملي الأصيل الحلو إللي
لسة روحي عايشة فيه
زمان فقيرنا لما بيفرح من فرحته بيقول ياحلولّي
وناس بتغني آمان يالاللي وجوز قضبان وترام تروللي
والأتوبيس بتلات أبواب والكستور أتواب أتواب
وناصية حارة ومخبأ غارة والتحويجة وطب عطارة
وأحلى تحية وأحلى سلام لسفيرة عزيزة وست سمارة
وأبو عرام يشبه علي بابا وعلي بابا شبه أبو عرام
والعوام ولويزا الطاهرة ونادي السينما وتاكسي السهرة
وأبلة فضيلة وعمو فؤاد وقراءة رشيدة عادل وسعاد
وإجري بسرعة ياواد ياحسين شوف لنا ريري بيتباع فين
وإعلان رابسو وإعلان سافو ومعجون آرتيف بالفلورين
آدي زماني إللي بعيش فيه أبيض وإسود وإللي هاويه
يتشقلب ورا شقلباظين ويعمل زيي ويعيش فيه
(( رجل الزمن الحديث))
وأنا زمني الأن زمن التفتيح والزقططة ويا التفاريح
سلامات سلامات أحلى السلامات سلامات على كل المستويات
سلامات كده مني يامستمعين كل الحرافيش ويا البهوات
زمني الأن زي الكورنيش لما يهل عليه الليل
فيه الهلس وأكل العيش والفرافيش ويا التحابيش
والكتكوت إبن اللعيبة والكتكوتة النافشة في ريش
والسمانة وناب الشيبة والعصافير ويا الخفافيش
فيه الوردة وفيه الفلة وفيه الماشين فيه بشويش
وكوز درة مشوي و زر بطاطا وتحت الكوبري و شم الكلة
مابين مناخير سفروت وشلاطة مع سيجارتين فلتر كرتيلا
وترامادول مع عم شحاتة أو حتى مع الواد زعبولا
كل دا كله على الكورنيش حكيتلكو عنه يادوب تناتيش
((رجل المزاد ))
مزادنا الأن على الأفلام ياترى على مين مزادنا هيرسى
هيرسى على أفلامنا الأن ولا زمان هيكون المرسى
(( رجل الزمن الحديث))
طب بقا هتقول إيه في أفلامنا زمان أفلامكم ولا زمانا
أفلامكم لابسة الطربوش وأفلامنا بمطوة وخرطوش
أفلامنا الأكشن والساسبينس حرب وضرب وعري وجنس
من إبراهيم لابيض لالماني وحشيش بلدي أو أفغاني
وبطل الفيلم بطل حشاش ومعاه رقاصة وكام رشاش
يايكون عبده وشهرته موتة يايكون واحد إسمه القشاش
والتصوير في شقوق الحارة يانهار خارجي في أبو رواش
((رجل الزمن القديم))
الأفلام حسب الأهواء الألماني شد الأجزاء
على كل القيم المصرية صبحت بلد الواء الواء
وزمنى زمان زمن الأفلام كان يتقال فيها أحلى كلام
عزيز عثمان اخدوه لبنان وهناك عشوه
ان قال بلاليكة بشارة واكيم بيقول بلا شو
وراح بلاليكة عشق كاريوكا وطبلها على دومّة وتكة
وسلامه بسلامته آهو لف بلاد يصرخ وينادي محمود وجهاد
وحرب تتار وهولاكو جبار مع خوذه ودرع وسيف بتار
وفيلم يبين فن زمان لفريد شوقي وهدى سلطان
حسن كان أسطى وعيشته أليسطا برغم الفقر وضيق الحال
عمره مازار خمارة كوستا إنما كان دايما يشكي الحال
يدي عزيزة شلن للواد وهى كمان مصروفها بريزا
ترد حماته تقول مالغيظة نجيب كيلو لحمة وكيلو خبيزة
وبطة ووزه وفرخة بدارة وياريت تعزم أهل الحارة
كل شويه عليه تتريق خُلق حسن كان أصلا ضيق
يزعل منها عزيزة تصالحه تغني وتتغزل فى ملامحه
يامحلى جمال الليل ياعزيزة وانتى معاكي حسن وعزيزة
.................................
وحفيظة مرات العمدة دايما مع فاطمة معاندة
وفاطمة كمان كيادة بتكيد فى حفيظة بذيادة
تطبخ للعمدة فى وز وحمام بفريك أو رز
تحشرلُه فى زورو الوزة وتقولّه ياعمدة إتغذى
والعمدة يعبي فى كرشُه م التخمة ينام على فرشهُ
وفاطمة تاخد قناصتها والكبدة وجوز جناحيتها
والرقبة وطبق الفتة لولادها وابو العلا
ولما قالتله ياعمدة أنا حامل فى الولا
قالها ودا جالي منين مالمستك يوم ولا
قالت من شرع الله من جوزي أبو العلا
.................................
العمدة فى لحظه إتشل من طعم مرار الذل
والناس جايه تهنيه وبجهل تبارك ليه
وهو فى سره يقول دا مش إبني تباركولي ليه
فين ايام آسيا وشاهين طب فين فيلم صلاح الدين
كان احمد مظهر دايما يظهر وقت الجد فارس مغوار
قال للغرب فى وقت الحرب ان تيجوا بلادنا تيجوا زوار
وصلاح نظمى تخاف أعاديه من وشه الصارم
والعوام ان يوم راح سوريا بيوصل عايم
وجمال فرجِينيا زى الدنيا آخره زوال
وعمك ريتشارد بعد حروبه سلم فى الحال
قصر كلامنا كانت افلامنا فى ماضى زمانا فتيل أحلامنا
((رجل المزاد ))
مزادنا الأن على زمن الحب هنشوف كفة مين هتطب
يلا تعالوا يامستمعين طرطأوا ودن وفتحوا عين
((رجل الزمن القديم))
غنوة وقالها سمعه زمان ومحمد فوزي وبوحه كمان
الحب زمان كان غير دلوقتي ياريت يازمان بقا تيجي دلوقتي
الحب زمان كان نظرة عين ورمش بيوصل بين فلبين
وخطفة قلب في السلامات تسري الرعشة في إيد لتنين
الحب أساسه كان الحنية والتنهيدة كانت أغنية
إللى تحب تشب تطل من الشباك
وتقول لحبيبها بنظرة عين أنا قلبي معاك
ولو يوم يبعد ويغيب عنها تغني لليلى مراد رايداك
(( رجل الزمن الحديث))
الحب الأيام دى الدباديب وقلوب حمرا ونظرة ديب
دلوقت الحب بدون تكليف تقدر تاخده فى نص رغيف
زى اللمبي ماقال فى الفيلم الشوق الشوق بولوبيف بولوبيف
((رجل المزاد ))
مزادنا الأن على التعليم هيرسى مزادنا ياترى على مين
((رجل الزمن القديم))
صباح الخيرعلى ناس مهرية نحو وصرف وصورة بلاغية
وإستعارات مكنيات والكنايات وصور خيالية
ياللي درستم لغة عربية ياناس أنصار محو الأمية
شوفوا وصلنا لفين دلوقت على إيد ناس جاهلة وفقرية
يبقى الواحد منهم شحط ويقول فشخ إحلقله و فحت
وكلام تافه وكلام هايف وكلام بس يشد لتحت
ياشباب فاكس ياشباب تيت ياشباب في التفاهات بيظيط
فكروا حبة بقا في لغوتكم تلقاكو جيل أهبل وعبيط
درستم إيه بس في مدارسكم ولا إتعلمتوا إنتوا في فيسكم
ونقلتولنا كلام ماله معنى من تفانين معجم إبليسكم
كلمتكوا أنا بلسان منكم يمكن تفهموا إني فاهمكم
حطوا كلامي حلق في ودانكو ياإما خيبتكم على وكستكم
(( رجل الزمن الحديث))
نازل دحُ أبتثجحُُُُُُُ جبر وكميا ونحو وصرفُ
أخوات كان نصبت على إن رفعت إن قضية بضمة
والموضوع دا بكل صراحة محير عقلي وفية 100 إن
وكب 2 مين كبها مين قالوا كبها س أس 2
إنكبت منها غصبا عنها شوفها بكام كده وإخصم منها
وعمك توت نايم مبسوط نام متسلطن جوة تابوت
قام من نومته وقال ياسلام بعتوا الموميا بتاعتي بكام
ورحمة أبويا عنخ أمون ياأخد حقي ياأقول لأتون
((رجل الزمن القديم))
شوف شكسبير كدا قاللك إيه وإعرف قصده كمان كان إيه
أنا شكسبير كاتب كبير بفكر عالي ومستنير
أكتب رواية ب 100 حكاية بطلها صعلوك أو أمير
إسألوا يوليوس قيصر لما طعنه بروتس إيه التفسير
وإسألوا هاملت وأسألوا عمه وسر علاقة عمه بأمه
وإسألوا سحر عيون جوليت إزاي سحرت في عيون روميو
أنا العطيلي أنا الماكبيثي ياحلم ليلة صيفي بمسي
ع اللي فاتوني وهربم مني وقضلوا عني رينالدو و ميسي
أنا شكسبير أديب كبير وليم سفير الكينج لير
وقعت من أبراج عقولكوا زي ما وقع الدب في بير
((رجل المزاد ))
مزادنا الأن مازال شغال على الأغنية والموال
(( رجل الزمن الحديث))
إحنا ياخلق الأن أغانينا بتمتعتنا وبتسلينا
وبتهيصنا وبترقصنا وبتشخلعنا وبتطير بينا
يامحلى جمال المدفعجية لما يغنولنا الأغنية
وأوكا وشحتة وغاندي وريكو وإلعب يلا و8 المية
أجمل من أغانيكو زمان برق وعود وقانون وكمان
إحنا الجيل الواعد الصاعد وإنتوا الجيل إللي ماهيبان
((رجل الزمن القديم))
فين الموال والأغنية فين عرباوي وفين عدوية
وفين ياخوانا 3 سلامات فين العزبي وفين يابهية
والله أغانى زمان ياخوانا تخش قلوبنا قبل ودانا
سومة وحليم وكلام يتغنى وفايزه تغنى لتمر الحنة
والمونولوج كان زي الموج عالي في بحر الإسكتشات
وإذا كان دا شرط البهوية يحيا العدس عشر مرات
قربت خلاص ياشباب أتجن من دبابيركو النازلين زن
ياشباب غاوي المهرجانات رقصكو رقص البهلوانات
أنتم منا ولا علينا ولا ولاد ستين خواجات
ياشباب فاكس ياشباب تيت ياشباب أشبه بالعفاريت
شعر محفلط جل مزفلط والبوكسر طفشان م البيت
ولا كمان الداهية السودا بناطيلكو الماشية على الموضة
إللي مقطع واللي مرقع واللي مهربد والبرمودا
نفسي أعرف مين إللي أويكو فين أهاليكو ولا ماليكو
ياللي عاجبكوا المدفعجية وأوكا وشحته وغاندي وريكو
اللى يفحر واللى يمحر واللى بيرغي كتير ويلت,
واللى يغنى بكل بجاحه يغنى يقول هاتى بوسه يابت
واللى شرب فى سيجارته البنى بعديها غنى دماغى بتاكلني
طب وانا مالى ياعم ومالك هى دماغي ولا دماغك
ياهل المغنى كفايه أغاني أبوس فى دماغكو دماغي وجعاني
(( رجل الزمن الحديث))
نرد عليكو بكل ألاطة وتقولهالكو بكل بساطة
بسيطو بسيطو أغانيكو فنيتو
أكل عليها الدهر وشرب وبعد ما كل حلى بمعاليكو
وهنقول كلمة تجيب الناهية وكرداسة أقرب قوي من ناهيا
يكفي الناس بعد أما نغني يتنحنحو ويقولوا شفيتو
وإحنا نغني يعيش جمهورنا وتعيشلنا دايما شلاليته
بسيطو بسيطو قوللنا شفيتو
((رجل المزاد ))
حان الأن مزادنا عشان
التلفزيون الأن وزمان
ودي أخر فقرة
وعايزين نعرف مين خسران ومين كسبان
(( رجل الزمن الحديث))
تلفزيونكو 3 قنوات تلفزيونا بفضائيات
تلفزيونكم أبيض واسود تلفزيونا ألوان في شاشات
مسلسلاتكو طاحونة وساقية والتصوير في مناطق نائية
مسلسلاتنا مواكبه العصر والتصوير في دريم ومراقيا
حتى كمان فوازيركو قديمة فوازيرنا احنا عليها القيمة
((رجل الزمن القديم))
تلقزيونكم كله تفاهة هبل توك شو وعته وبلاهة
إللي في يوم لبسته جنيّة أو مندوه ندهته نداهة
يجي لشيخكو إبن الجنيّة يشخشخ جيبه بكل بلاهة
الآن إلى مطبخ أبلة مديحة بتوصف وصفة لست سميحة
تحط البرفان ع الملوخية وكسبرة ناشفة على التسريحة
وإعلان جامد قوي عن فيلا إذا كان في مارينا أو ماربيلا
والمتفرج جاتله الحسرة علشان بيته مبني من الجلة
وإللي على فلانة مسكت ذلة تيجي ع الهوا كدا وتطلعها
وإللي عايز في دماغه 100 قلة علشان خد من جيبنا ماخلى
ومشهور جدا في الأوساط إن سعادته حرامي الحلة
واد حريف قوي في التشويش وماجيستير فن التهميش
وإللي يجيب هيفاء في الصورة ويقولنا حلوا الفزورة
وإحنا نقوله نبوس على راسك خلي الصورة ياواد مستورة
خد هيفاءك وإبعد عنا مش هنرن عليك ولا رنة
ونصيحة منا يابو الفوازير لو شوفتنا يوم تهرب منا
آدي التلفزيون و عمايله وادي كلامي ودا إللي أنا قايله
ولو شايفيني أنا واد مجنون يبقى جناني محدش طايله
((رجل المزاد ))
ألا دونا ألا دوا بقا أنت وهو مذادنا خلاص فنيتو هنا هو
ردوا علينا يامستمعين رسي على مين مذادنا دا هو
بقلم طارق السيد
ليست هناك تعليقات:
إرسال تعليق