كتب الشاعر / اسماعيل عبد الهادي ... رحلة الأيام . ..

*( رحلة الأيام )*
فاتت سنين طويله
مع   رحلة  الأيام
ما بين ظنون وحيره
وحلم. مع  اوهام
وايام بتطوي سنين
وليل  يجر  نهار
وعمر علينا اتحسب
ولسه ف استمرار
ف رحلة الأيام
كان فيه ايام جميله
مع إن الحاله ضنك
ولا فيه ف اليد حيله
الناس بعيشتها راضيه
وعايشه ب القليله
عشان كان فيه موده
وفيه نخوه اصيله
عشت العمر اللي فات
افتش ع المحبه
لو كان ليها تقاوي
كنت زرعتلها حبه
وارويها  بالغناوي
واعزم كل الأحبه
لقيتها ف أم بتربي
وأب كمان سند ليها
وعيله تعرف العيبه
وحب الخير كمان فيها
ف ساعة الشده اعوانك
وف الفرحه تلاقيها
دلوقتي الحال اتغير
والدنيا  اتبدلت
الناس بقي حالها يحير
والعدله  اتشقلبت
والقسوه ملت قلوبهم
وقلوب  اتعذبت
ولسه الرحله ماشيه
والناس جوه سفينه
في بحر العمر عايمه
محتاجه ترسي لمينا
بقلمي/اسماعيل عبدالهادي