كتب الشاعر/ ابراهيم الحداد $جراح المحب $

جراح المحب  .

فاتت على جراح
المحب ألوان
والجرح منها يداوى
 يادوب ف سنين .
وأنا اللى قلبى
 بجرحه ياناس سهران. 
هما الأطبا أعتزلوا
 ولا الجروح قاتلين؟؟
يا مدعو قلبى وسكنك
 مابين ضلعين .
هما الالأم سكنوك
 وطردوا سكانك ؟؟
ياقلبى قولى حبايبك
 فاتوك وراحوا فين .
ولا العذاب والحيره
صبحوا أوطانك.
جرحك بينزف
 نار على اللى خان
ده فاتت على
 جراح المحب ألوان.
والجرح منها يداوى
 يدوب ف سنين .
عشت مأمنهم
 وفاتحلهم دارك
ياقلب أعمى
هيشربوك السم.
حكموا عليك
 بقطع أوصالك
وشرطوا كمان
مايلاقوا نقطة دم.
بجرحك ياقلبى
 ليلك بقى نهارك
يامكوى نار حالتك
 تجيب الهم.
ياتايه غريب فى
 دايرة الأحزان .
ده فاتت على جراح
المحب ألوان.

كلمات ابراهيم الحداد.