كتب الشاعر / أسامه جديانه $يا بحر موجك ناداني $

يابحر موجك ناداني
أمواجك عارفه عنواني
كلهم شوق لكلماتي
معاهم كل أسراري
حبي وعشقي وغرامي
ولما الهجر يضنيني
 بيضمدوا كل جراحي
يواسوني وقت أحزاني
بيمسحوا دمع عيوني
حاسين بجرح وجداني
موجك بيهدى فى وجودي
بيغنوا على ألحاني
أتعلموا العشق مني
ياما سكنوا أحضاني
لو يوم أفوتهم لشطي
أحسهم محتاجين حناني
كانوا يحزنوا وقت ألمي
وبكل ود يشيلوا همي
بكون معاهم بين أهلي
والكل علي بيسمي
أشكيلهم ويشكولي
بروح الود يضموني
وبالحنين يروني
بالحب حبهم قلبي
أمواجك يابحر  نادوني
                          (((أسامه جديانه)))